إدارة المخزون: اعرف خاماتك بتروح فين
أكبر تسريب فلوس في أي مطعم أو كافيه مش في الكاشير، في المطبخ. خامات بتتهدر، بتتسرق، أو بتخلص في عز الزحمة من غير ما حد ياخد باله. إدارة المخزون الصح هي اللي بتقفل البابين دول.
مشكلة المخزون في المطاعم والكافيهات
معظم المطاعم بتعرف إنها خسرت خامات بعد ما تخلص. بتيجي تعمل صنف وتلاقي مكون خلص، أو آخر الشهر تكتشف إن كمية الجبنة اللي اشتريتها أكبر بكتير من اللي اتباع فعلا. الفرق ده هدر أو سرقة، وغالبا مبيتحاسبش عليه حد.
السبب إن المخزون بيتدار في ورقة أو في دماغ المعلم. أول ما الضغط يزيد، الورقة بتتنسي والأرقام بتضيع.
تتبع المكونات والخصم التلقائي
في سولو بتعرف مكونات كل طبق مرة واحدة، الساندويتش فيه كام جرام لحمة، كام رغيف، كام شريحة جبنة. وبعدها كل ما الصنف ده يتباع، النظام بيخصم المكونات من المخزون تلقائيا.
يعني المخزون بيتحدث لوحده مع كل أوردر، من غير ما حد يقعد يعد. وفي أي لحظة تقدر تشوف رصيدك الحقيقي من كل خامة.
تنبيهات النقص قبل ما تتفاجئ
تحدد لكل خامة حد أدنى، وأول ما الرصيد ينزل تحته، النظام بينبهك. كده بتطلب من المورد بدري بدل ما تكتشف إن الخامة خلصت في عز خدمة العشا والزبون مستني.
النتيجة: مفيش أصناف بتقف فجأة، ومفيش مفاجآت في الزحمة.
ربحية كل طبق، مش المبيعات بس
المبيعات لوحدها بتخدعك. صنف ممكن يكون الأكثر مبيعا وفي نفس الوقت هامش ربحه ضعيف لأن مكوناته غالية. لما النظام عارف تكلفة مكونات كل طبق، بيقدر يقولك الطبق ده بيكسبك كام فعلا بعد التكلفة.
المعلومة دي بتغير قراراتك في المنيو والتسعير، تركز على اللي بيكسب، وتعيد تسعير أو تعدل اللي بياكل من ربحك.
الخلاصة
إدارة المخزون مش رفاهية للمطاعم والكافيهات الكبيرة، هي اللي بتفرق بين مطعم بيكسب ومطعم شغال وخساره مستخبية في المطبخ. تتبع المكونات + الخصم التلقائي + تنبيهات النقص + ربحية الأطباق = تحكم كامل في أكبر مصدر تسريب عندك.
سولو بتقدملك إدارة مخزون بالمكونات بتشتغل جوه نظام الكاشير نفسه، من غير برنامج تاني ومن غير تعقيد.
جرب سولو مجانا